saleum pembuka

saleum bak haba ranuep bak jaroe
samboet rakan droe ulon ka teuka
assalamu'alaikom warahmatullah
ta tueng beureukah halua rasa

tajak u timu ingat u baroeh
ta jak beugoet troh ta kaloen nyata
nyoe pat na rangkang teumpat ta piyoeh
keu aleu lon boh bak akasia

nyo saket ulee ubat beumeuri
bek barangkari han goet syedara
jak tajak buka aceh kreasi
seubeudoeh seuni adat budaya

kolom poh cakra na panton aceh
teumpat yang meukleh tanyoe meu-seunda
lagu lam haba bak bungoeng jaroe
lon jok keu adoe keu tanda mata

pustaka musik ka na lam forum
jeut neu-coek mandum tan payah beulanja
yang malem bacut beu-neu-peuteupat
koreksi siat kolom agama

nibak beuranda jalan ulon boeh
neujak beugoet troeh kamoe neu-sapa
peungantar redaksi didalam rumoeh
tuleh tan meu-'oeh home ta baca

yang galak meungoen hana pue gabuek
bak me facebook jingeuk le sigra
yang galak meutuka bacut bek leungoe
bak ling exchange ulon seudia

oeh noe mumada bacut lon tuleh
rika tan binteh rap rheut u luwa
bek sagai neu peukhem rakan ngoen wareh
yang ulon tuleh keu-gura-gura

ta peugah beutoi han meupat mumat
ta peugah mangat tan meunyuem sira
ta puegah mameh saka tan meuboeh
yang bek neu bungkoeh neu-rhom u luwa

wassalam ...